Sağlamlıq

Bu kişilərin uşağı olmur - Açıqlama

15 Sentyabr 2025 21:00
Baxış: 2 533
VTB-də minimal faiz dərəcəsi ilə nağd kredit 9.9%-dən
#DÜNYADA #CƏMİYYƏT #SAĞLAMLIQ #SAĞLAM QİDA

"Son illərdə kişilərin reproduktiv sağlamlığında geriləmə qeydə alınıb. Əgər ötən əsrin ortalarında normativ göstərici 1 millilitr mayedə 40 milyon spermatozoid idisə, bu gün alt hədd 13 milyona düşüb. Sağlam hüceyrələrin payı isə 50%-dən cəmi 4%-ə enib".

Milli.Az xəbər verir ki, bunu androloq, tibb elmləri namizədi Yelena Novikova deyib.

Onun sözlərinə görə bu azalma həm ekologiya, həm də insanların gündəlik vərdişləri ilə bağlıdır.

"Cibdə saxlanılan telefonlar, diz üstündə işlədilən noutbuklar, oturacaq isidiciləri, tez-tez sauna istifadəsi, həmçinin xroniki stress kişilərin hormon balansına və spermatogenezinə mənfi təsir göstərir.

Artıq çəki də reproduktiv funksiyaya ciddi zərbə vurur. Belə ki, qarın çevrəsinin cəmi 5 sm artması spermatozoidlərin sayını 6%-dən çox, uşaq sahibi olmaq şansını isə 9% azaldır. Bundan başqa, bəzi dərmanlar, idman əlavələri və xüsusilə xaricdən qəbul edilən testosteron sperma istehsalını bloklaya bilir.

Kişilər 20 yaşdan etibarən fertilite müayinəsindən keçməlidirlər. Zərurət yarandıqda spermanın kriokonservasiyası (dondurularaq saxlanması) da gələcək üçün etibarlı seçim ola bilər", - androloq söyləyib.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.