Sağlamlıq

2 yaşa qədər uşaqlara qətiyyən belə dərmanları vermək olmaz - Xəbərdarlıq

29 Noyabr 2025 21:00

Baxış: 1 222

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Uşaqlara öskürək siroplarını səbəbsiz yerə vermək təhlükəli ola bilər.

Milli.Az xəbər verir ki, bu barədə rusiyalı pediatr Darya İvanova xəbərdarlıq edib.

Onun sözlərinə görə xüsusilə bəlğəmi duruldan dərmanlar körpələr üçün ciddi risk yaradır. Bu dərmanlar bəlğəmin həcmini artırır və uşaq onu çətinliklə xaric edə bilir. Nəticədə bronxlarda durğunluq yaranır və bu vəziyyət bronxit kimi fəsadlara gətirə bilər.

Həkim bildirib ki kiçik uşaqlarda tənəffüs yolları dar olur və öskürək refleksini təmin edən əzələlər kifayət qədər güclü olmur. Ona görə də beş və ya altı yaşa qədər mukolitik siroplardan istifadə olunması tövsiyə edilmir. Bir çox ölkələrdə bu dərmanlar iki yaşa qədər uşaqlara tam qadağandır.

Pediatr həm də öskürəyi tamamilə kəsən preparatların da təhlükəli olduğunu deyib. Belə dərmanlar yalnız xüsusi hallarda tətbiq edilməlidir. Məsələn boğmaca xəstəliyində. Çünki öskürək refleksinin qarşısını almaq orqanizmdə yığılan seliyi xaric etməyə imkan vermir. Bu selik bronxlarda toplanır və bakterial infeksiya yaradır.

Mütəxəssis bildirib ki valideynin əsas vəzifəsi sirop vermək deyil. Əsas məsələ uşağın bədəninə öz gücü ilə öskürəyi yüngülləşdirməyə şərait yaratmaqdır. Bunun üçün otaqda hava rütubəti normal saxlanmalıdır. İsti və bol maye içmək vacibdir. Həmçinin uşağın burnunun fiziki məhlulla təmizlənməsi də çox faydalıdır.

İsmayıl
Milli.Az