Sağlamlıq

Son zamanlarda yayılan xəstəlik nədir? - Həkimdən AÇIQLAMA

4 İyul 2025 01:01

Baxış: 1 540

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Son zamanlarda ölkəmizdə daha bir xəstəlik yayılıb.

Artıq ətrafımızda olan bir çox şəxsin sözügedən xəstəliyə yoluxduğunu görürük. Bu xəstəlik qripə çox bənzəyir. Lakin yay ayları və havaların isti keçməsinə baxmayaraq, belə xəstəliyin yayılması təəccübə səbəb olur.

Maraqlıdır, bu, nə xəstəliyidir?

Mövzu ilə bağlı tibbi ekspert, həkim-terapevt Rasif Bağırov Hit.az-a açıqlama verib. O bildirib ki, bu, adi soyuqdəymə xəstəliyidir:

"Əlamətləri də onu göstərir. Yəni el arasında dediyimiz kimi yüngül soyuqdəymə əlamətləridir. Nəzərə almaq lazımdır ki, hələlik hava şəraiti sabitləşə bilmir. Müəyyən hava cərəyanları nəticəsində gah soyuq, gah da isti olur".

Həkimin sözlərinə görə, bu isə bəzi insanların səhhətinə mənfi təsir göstərir:

"İnsanların bədəni müəyyən şəraitə kifayət qədər adaptasiya olmayanda problem yaranır. Əsasən müqavimət qabiliyyətində hansısa problemlər olan şəxslərdə qripə oxşar formada viruslar yaranır. Qripin çox sayda növü var. Bunun sayı-hesabı yoxdur. Bu da o xəstəliklərin yüngül halda olanlarından biridir. Bəzi hallarda bunun daha ağır formalarına rast gəlmək olur".

Rasif Bağırov diqqətə çatdırıb ki, yayılan xəstəliklə bağlı narahatlığa əsas yoxdur:

"Bu xəstəlik qorxulu bir vəziyyət yaratmır. Müalicə olunanda çox yaxşı şəkildə müalicəyə tabe olur və xəstələr sağalırlar. Ona görə də, ondan qorxmaq lazım deyil.

Ümumiyyətlə, ciddi narahatçılığa əsas yoxdur. Bu xəstəliyin geniş yayılaraq hansısa bir problem törətmə qabiliyyəti yoxdur. Adi soyuqdəymə kimi müalicə ilə keçib gedir".

Milli.Az

Milli.Az - Xəbər Portalı

Son zamanlarda yayılan xəstəlik nədir? - Həkimdən AÇIQLAMA

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?