Sağlamlıq

Tez-tez kabus görmək insanı vaxtından tez qocaldır

26 İyun 2025 19:00
Baxış: 808
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #YUXU POZUNTUSU

Yeni elmi araşdırma tez-tez kabus görən insanların daha tez yaşlandığını və 70 yaşına çatmadan ölüm riskinin üç dəfə artdığını üzə çıxarıb.

Milli.Az xəbər verir ki, bu nəticəyə Birləşmiş Krallıq Demans Araşdırma İnstitutu və "Imperial College London"un alimləri gəlib. 19 il ərzində 183 min yetkin və 2 min 429 uşağın məlumatlarının təhlili göstərib ki, kabuslar bədənə ciddi təsir edir. Belə ki, tez-tez kabus görən şəxslərdə hüceyrə bərpası zəifləyir və bu, bioloji qocalmanı sürətləndirir.

Tədqiqatı aparan Dr. Abidemi Otaiku bildirib ki, kabus zamanı beynin "mübarizə və ya qaç" reaksiyası aktivləşir və bu hal bədənin kortizol hormonunu yüksək səviyyədə saxlayır. Bu da orqanizmdə yığılan stressin artmasına, nəticədə isə hüceyrələrin vaxtından əvvəl qocalmasına səbəb olur.

Alimlər kabusları yalnız psixoloji deyil, həm də cəmiyyət səviyyəsində ciddi sağlamlıq problemi kimi dəyərləndirirlər. Bildirilib ki, ayda bir dəfə belə kabus görən şəxslər bu halı yaşamayanlarla müqayisədə daha erkən yaşlanır və onların ölüm riski də yüksək olur.

Araşdırmada göstərilir ki, yaxşı yuxu rejimi, stressin azaldılması və qorxu filmlərindən uzaq durmaq kimi sadə tədbirlər kabusların qarşısını almağa kömək edə bilər. Dr. Otaiku qeyd edib ki, bu vəziyyətin qarşısını almaq mümkündür və vaxtında müdaxilə ciddi nəticələrin qarşısını ala bilər.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.