Sağlamlıq

Belə yuxular görənlər tez ölür

25 İyun 2025 22:00
Baxış: 1 770
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Yeni elmi araşdırmaya görə tez-tez kabus görən şəxslər daha erkən yaşlanır və 70 yaşına çatmadan ölüm riski üç dəfə artır.

Milli.Az xəbər verir ki, Birləşmiş Krallıq Demans Araşdırma İnstitutu və "Imperial College London"un alimləri tərəfindən aparılan və 19 il ərzində 183 min yetkinin və 2 min 429 uşağın məlumatlarının təhlil edildiyi araşdırma, kabusların bədənə ciddi təsir etdiyini üzə çıxarıb. Məlum olub ki, tez-tez kabus görənlərdə bədənin hüceyrə bərpası zəifləyir, bu da sürətli bioloji qocalmaya səbəb olur.

Tədqiqatı aparan Dr. Abidemi Otaiku bildirib ki, kabuslar zamanı beynin "mübarizə və ya qaç" reaksiyası işə düşür və bu, bədənin kortizol səviyyəsini uzun müddət yüksək saxlayır. Bu da orqanizmdə yığılmış stressin artmasına, nəticədə isə hüceyrələrin tez qocalmasına yol açır.

Alimlər bildirir ki, kabuslar yalnız psixoloji deyil, həm də ciddi bir ictimai sağlamlıq problemi kimi qiymətləndirilməlidir. Hətta ayda bir dəfə kabus görən şəxslər belə, heç kabus görməyənlərlə müqayisədə daha sürətlə yaşlanır və ölüm riski yüksək olur.

Araşdırmada qeyd olunub ki, yaxşı yuxu rejiminin təmin olunması, stressin idarə edilməsi və qorxu dolu filmlərdən uzaq durmaq kimi sadə tədbirlər kabusların qarşısını almaqda təsirli ola bilər. Dr. Otaiku əlavə edib ki, bu vəziyyətin qarşısı alınandır və vaxtında tədbir görməklə ciddi nəticələrin qarşısı alınması mümkündür.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.