Sağlamlıq

Ev konservi hazırlamaq istəyənlərə MƏSLƏHƏT

19 İyun 2025 11:52
Baxış: 1 287
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Yay ayları mövsümi meyvə və tərəvəzlərin bol olduğu dövr olduğu üçün evlərdə konservləşdirmə ənənəsi canlanır. Lakin məhsulların uzun müddət saxlanılması üçün görülən bu proses zamanı bəzi vacib qaydalara əməl edilməzsə, sağlamlıq üçün təhlükə yarana bilər.

Milli.Az xəbər verir ki, məsələ ilə bağlı qida eksperti Ağa Salmanov bildirir ki, konservləşdirmə zamanı ilk növbədə gigiyena qaydalarına ciddi riayət edilməlidir. Bankalar və qapaqlar yaxşıca sterilizasiya olunmalı, istifadə edilən məhsullar təzə və zədəsiz olmalıdır:

"Ən riskli hallardan biri botulizm təhlükəsidir. Bu, kifayət qədər bişirilməmiş və ya havasız mühitdə saxlanılan qidalarda yaranan bakteriyalardır və ciddi zəhərlənmələrə səbəb ola bilər. Ona görə də məhsullar kifayət qədər yüksək temperaturda bişirilməli və hava keçirməyən şəkildə bağlanmalıdır.

Konservləşdirmə zamanı əlavə olunan duz, şəkər və ya sirkə miqdarı da normaya uyğun olmalıdır. Sirkəli və ya duzlu mühit bakteriyaların çoxalmasının qarşısını alır.

Ekspert həmçinin qapağı şişmiş, pis qoxulu və ya rəngi dəyişmiş konservləri istifadə etməməyi tövsiyə edir. Belə məhsullar zəhərlənmə riski daşıyır və dərhal atılmalıdır.

Qeyd edək ki, düzgün aparılan konservləşdirmə həm qida israfının qarşısını alır, həm də qış aylarında sağlam və ləzzətli məhsullardan istifadə imkanı yaradır.

Aysel Əkbər
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.