Sağlamlıq

Saçları isti su ilə yumaq düşündüyünüzdən daha zərərlidir

6 İyun 2025 02:02

Baxış: 689

VTB-də minimal faiz dərəcəsi ilə nağd kredit 10.49%-dən

#SAĞLAMLIQ

Saçlarınızı çox isti su ilə yumaq təkcə onların strukturuna deyil, dərinizin sağlamlığına da mənfi təsir göstərə bilər. Məşhur stilist və saç baxımı mütəxəssisi Rossano Ferretti bu barədə xəbərdarlıq edib və saç yuma zamanı istifadə olunmalı ideal su temperaturunu açıqlayıb.

Milli.Az xəbər verir ki, çox isti su saçın təbii qoruyucu qatını zədələyir, saç uclarının qırılmasına və parlaqlığını itirməsinə səbəb olur. Eyni zamanda, aparılan araşdırmalar göstərir ki, isti duş qan təzyiqinin yüksəlməsinə, dərinin təbii nəmliliyinin azalmasına və bunun nəticəsində dəri quruluğu, qaşınma, ekzema və sədəf kimi problemlərin kəskinləşməsinə yol aça bilər.

Mütəxəssis saçların yuyulması üçün ideal su temperaturunun 37-40°C arasında olduğunu vurğulayıb. Bu temperatur bədən istiliyinə yaxın olub, saç dərisinə zərər vermədən təmizlənməni təmin edir.

Ferretti həmçinin duşdan sonra saçların sərin su ilə yaxalanmasını tövsiyə edir. Bu üsul saç kütikulasını bağlayaraq nəmliyi qorumağa, saçın daha parlaq və sağlam görünməsinə kömək edir.

Asya
Milli.Az