Sağlamlıq

Yumurta kartonlarını təkrar istifadə etməyin - sağlamlığınız risk altındadır!

2 İyun 2025 03:03

Baxış: 769

VTB-də minimal faiz dərəcəsi ilə nağd kredit 10.49%-dən

#SAĞLAMLIQ

Bəzi insanlar ətraf mühitə töhfə vermək və israfın qarşısını almaq məqsədilə yumurta kartonlarını yenidən istifadə edirlər. Lakin mütəxəssislər bu vərdişin ciddi sağlamlıq riskləri daşıdığını bildirirlər.

Milli.Az xəbər verir ki, Berlin İstehlak Mərkəzinin mütəxəssisləri karton yumurta qablarının təkrar istifadəsinin təhlükəli olduğunu açıqlayıblar. Onların sözlərinə görə, bu qabların əsas problemi - kartondan hazırlanması və təmizlənməsinin mümkünsüzlüyüdür. Bu səbəbdən bakteriyalar və mikroorqanizmlər, xüsusilə də ishala səbəb olan salmonella, bu qabların səthində asanlıqla çoxala bilər.

Bəzən yumurtaların qabığında olan çirklər - xüsusilə nəcis qalıqları - karton səthə yapışır və bu, qutunun içindəki növbəti yumurtalara da keçə bilər. Bu cür yoluxmalar ev şəraitində hazırlanan yeməklər üçün təhlükə yaradır.

Nə etməli?

Mütəxəssislər yumurta qutularını yalnız bir dəfə istifadə etməyi və daha sonra atmağı tövsiyə edirlər. Bundan əlavə, yumurta ilə təmasdan sonra əllərin mütləq sabunla yuyulması vacibdir. Bu sadə gigiyenik qayda salmonella kimi bakteriyaların mətbəx səthlərinə və yeməyə yayılmasının qarşısını almağa kömək edir.

Unutmayın: Sağlamlığınızı qorumaq üçün təkrar istifadəyə yararlı görünən əşyalar belə, bəzən təhlükə mənbəyi ola bilər.

Kənan
Milli.Az