Sağlamlıq

Spirtli içkilər bu ölümcül xəstəliklərin SƏBƏBİDİR

16 Aprel 2025 04:04
Baxış: 1 430
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #XƏSTƏLİK

Alkoqol sağlamlığa əhəmiyyətli dərəcədə zərər vuraraq, xərçəng xəstəliyinin bir sıra növlərinin inkişafı riskini artırır.

Milli.Az Trend-ə istinadən bildirir ki, bunu nüfuzlu bioloq-onkoloq, Tibb elmləri professoru Pranoti Mandrekar "Daily Mail" nəşrinə verdiyi açıqlamada deyib.

Mandrekarın sözlərinə görə, alkoqol - mütəmadi və ya vaxtaşırı qəbul olunmasından asılı olmayaraq, beyinə, ürəyə, damar sisteminə, ağciyərlərə və immun sistemə mənfi təsir göstərən ən güclü kanserogenlərdən sayılır.

Sözlərini təsdiqləmək üçün onkoloq spirtli içkilərin istehlakı ilə boğaz, qida borusu, qaraciyər, mədəaltı vəzi, mədə, bağırsaq və süd vəzi xərçəngi arasında əlaqə yarandığını sübut edən çoxsaylı tədqiqatlara istinad edib.

Onun sözlərinə görə, spirtli içkilər orqanizmdə parçalanarkən zərərli maddələr əmələ gətirir və bu maddələr daxili orqanlara toksik təsir göstərərək, orqanizmdə daxili iltihab yaradır, nəticədə xərçəngin inkişafına səbəb olur. Bundan əlavə, spirtli içkilər qəbul edilərkən sərbəst radikallar yaranır və bu radikallar DNT-ni zədələyə bilər. Nəticədə hüceyrələr mutasiyaya uğrayaraq bədxassəli şişlərə çevrilə bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.