Sağlamlıq

Böyümüş limfa düyünləri - Ciddi xəstəliklərin əlaməti ola bilər

1 Fevral 2025 04:04

Baxış: 1 488

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK

Böyümüş limfa düyünləri çox vaxt infeksiyalara qarşı bədənin normal immun cavabı kimi meydana çıxır. Lakin bəzi hallarda ciddi xəstəliklərin əlaməti ola bilər.

Milli.Az xəbər verir ki, narahat olmaq lazım olan hallar bunlardır:

Böyümənin uzun müddət davam etməsi

Əgər limfa düyünləri 2-4 həftədən artıq böyüyüb və azalmasa, həkimə müraciət etmək vacibdir.

Sürətli böyümə və ya bərklik

Sürətlə böyüyən, sərt və hərəkətsiz düyünlər daha ciddi problemlərin (məs., limfoma və ya metastatik xərçəng) göstəricisi ola bilər.

Ağrısız və sərt düyünlər

Adətən infeksiya nəticəsində böyüyən limfa düyünləri ağrılı olur. Ağrısız, sərt və ya qeyri-bərabər səthli düyünlər isə daha diqqətlə araşdırılmalıdır.

Çəki itkisi, gecə tərləmələri və qızdırma

Əgər limfa düyünlərinin böyüməsi ilə yanaşı izah olunmayan çəki itkisi, davamlı qızdırma və ya gecə tərləmələri müşahidə olunursa, bu, ciddi xəstəliklərin əlaməti ola bilər.

Bütün bədəndə birdən çox limfa düyününün böyüməsi

Sistemik xəstəliklər (məs., mononükleoz, HİV, lupus və ya bəzi qan xəstəlikləri) limfa düyünlərinin yayılmış şəkildə böyüməsinə səbəb ola bilər.

Limfa düyünlərinin irinlənməsi və ya dərinin qızarması

Əgər limfa düyünü həddindən artıq böyüyür, ətrafdakı dəri qızarır və ya irinlənmə müşahidə olunursa, infeksiya ağırlaşmış ola bilər.

Əgər limfa düyünləriniz yuxarıdakı hallardan birinə uyğun gəlirsə və ya uzun müddət normaya qayıtmırsa, bir həkimə müraciət etmək məsləhətdir. Erken diaqnoz, xüsusilə ciddi xəstəliklərin qarşısını almaq üçün vacibdir.

Fidan
Milli.Az