Sağlamlıq

"Peyvəndlər türklərə qarşı bir plan idi" - Karataydan koronavirusla bağlı iddia

21 Yanvar 2025 12:15

Baxış: 1 793

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK

Sağlam həyat və qidalanma sahəsindəki təəccüblü açıqlamaları ilə tanınan Prof. Dr. Canan Karatay TGRT News proqramında qatıldığı müsahibəsində mübahisəli fikirlər səsləndirib.

Milli.Az Türk mediasına istinadən xəbər verir ki, Karatay pandemiyanı bir "ssenari" olaraq adlandırıb və peyvəndlərin türklərə qarşı məqsədli olaraq buraxıldığını bildirib. Onun bu açıqlamaları geniş müzakirələrə səbəb olub.

Prof. Dr. Karatay COVID-19 pandemiyasının sadəcə bir ssenari olduğunu iddia edib. Onun sözlərinə görə, COVID virusu yalnız bir qış qripi idi və heç bir dərman bu qripi məhv edə bilməzdi. Karatay Rokfeller və Bill Qeyts kimi şəxslərin pandemiyanın arxasında dayandığını iddia edərək, bunun qlobal bir layihə olduğunu vurğulayıb.

Karatay COVID-19 peyvəndlərinin immunitet sistemini zəiflətdiyini və xüsusilə türk xalqına qarşı buraxıldığını söyləyib. Onun iddialarına görə, Biontech peyvəndindəki yad maddələr türk xalqının sağlamlığına zərər verib. Ayrıca, Karatay bu peyvəndlərin dəri xəstəliklərini artırdığını və xərçəngin yayılmasına səbəb olduğunu bildirib.

Prof. Dr. Karatay virusların daim dəyişdiyini və buna görə də vaksinlərin effektiv olmadığını qeyd edib. O, xarici vətəndaşların peyvənd olunmadan səyahət etdiyini, amma türklərin bu imkana sahib olmadığını vurğulayıb.

Prof. Dr. Canan Karatayın bu açıqlamaları geniş tənqidlərə səbəb olsa da, bir çox insan onun fikirlərini dəstəkləyib. Bu mövzuda müzakirələr davam edir.

Fidan
Milli.Az