Sağlamlıq

Xorultu nədən yaranır?

17 Yanvar 2025 15:15
Baxış: 1 209
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Sağlam nəfəs almağa maneə törədən burun tutulması bir çox insanın həyat keyfiyyətini pozaraq müxtəlif sağlamlıq problemlərinə yol açır. Həkimlər bu problemin ciddiyə alınmasını və vaxtında müalicə edilməsini tövsiyə edir.

Milli.Az xəbər verir ki, Prof. Dr. Esra Eryaman Yelin fikrincə burun tutulmasının səbəbləri arasında çəpər əyrilikləri, allergiyalar və burun əti böyüməsi kimi anatomik problemlər yer alır. Burundan yaxşı nəfəs alınmaması bədənin kifayət qədər oksigenlə təmin edilməməsinə və bir sıra ciddi xəstəliklərə yol aça bilər. Prof. Yel qeyd edir ki, burun hava axınını tənzimləyərək onu nəmləndirir, qızdırır və yad hissəciklərdən təmizləyir, lakin tutulma zamanı bu proseslər pozulur.

Allergiya ən çox rastlanan səbəblərdən biridir. Mütəxəssis bildirir ki, toz, heyvan tükü kimi allergenlər burun tutulması, axıntı və asqırıq kimi simptomlara səbəb olur.

Burun tutulmasının digər əsas səbəbi burun əyriliyi və burun əti böyüməsidir. Bu problemlər burundan nəfəs almağı çətinləşdirərək ciddi narahatlıqlar yaradır və tez-tez cərrahi müdaxilə tələb olunur. Həmçinin burun tutulması yuxuda ağızdan nəfəs almağa səbəb olur ki, bu da xorlama və yuxunun keyfiyyətsizliyinə gətirib çıxarır.

Prof. Yel əlavə edir ki, travma və ya doğuşdan yaranan burun deformasiyaları yalnız estetik problem deyil, həm də nəfəs alma ilə bağlı funksional problemlərə yol açır. Bu kimi hallarda həm daxili əyrilikləri aradan qaldıran əməliyyatlar, həm də estetik düzəlişlər aparıla bilər. Nəticədə, düzgün nəfəs alma sağlamlığın yaxşılaşması və həyat keyfiyyətinin artması üçün əsasdır.

İslam
Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.