Sağlamlıq

35 il sonra ilk dəfə aşkarlandı - Yayılsa fəlakət olacaq

13 Yanvar 2025 11:45
Baxış: 3 985
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #ALMANİYA #XƏSTƏLİK

Almaniyanın Brandenburq əyalətində 35 ildən sonra ilk dəfə camış sürüsündə dabaq xəstəliyi aşkarlanıb.

Milli.Az xarici mətbuata istinadla xəbər verir ki, xəstəlik aşkar edildikdən sonra Berlin zooparkı heyvan parkı və uşaq fermaları bağlanıb. Brandenburq əyalətində heyvanların daşınması qadağan edilib.

Brandenburq Ştat Fermerlər Assosiasiyasının sədri Henrik Vendorff bildirib ki, ölkədə dabaq xəstəliyi yayılsa, bu, fermerlər üçün fəlakət olacaq.

"Bir bölgədə bir epidemiya olarsa, o, tez bir zamanda ticarətdən xaric edilir" .

Qeyd edək ki, dabaq xəstəliyi heyvan sağlamlığına mənfi təsir göstərən xüsusi təhlükəli, transsərhəd, yoluxucu virus xəstəliyidir. Xəstəlik iqtisadi itkilərlə, o cümlədən süd və ət məhsuldarlığının azalması, reproduktiv fəaliyyətin zəifləməsi və heyvanın ölümü ilə nəticələnir. Xəstəliyə nəzarət və onun ləğvi üzrə tədbirlərə sərf olunan maddi vəsait, həmçinin heyvan və heyvan mənşəli məhsulların ixrac və idxal prosesində tətbiq olunan məhdudiyyətlər ölkə iqtisadiyyatında zərərlərə səbəb olur.

Azərbaycan Respublikası ərazisində dabaq xəstəliyi sonuncu dəfə 2001-ci ildə qeydə alınmışdır. Qeyd edək ki, son 10 il ərzində həyata keçirilən seromonitorinqlərin nəticələrinə əsasən, heyvanlar arasında xəstəlik halları aşkar edilməmişdir. İndiyə qədər ölkədə dabaq virusunun 4 serotipi - O, A (A7 və A22 serovarları), SAT-1 və Asiya-1 qeydə alınmışdır.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.