Bluetooth qulaqlıqlar tiroidinizi belə məhv edir! - Bu cür istifadə etsəniz...

Son dövrdə aparılan elmi araşdırma, Bluetooth qulaqlıqların tiroid düyünləri üzərində potensial təsir göstərə biləcəyini ortaya qoyub.

Milli.Az xəbər verir ki, araşdırmada Bluetooth cihazlarının yaydığı radio tezlik (RF) şüalanmasının tiroid vəzində düyünlərin yaranmasına səbəb ola biləcəyi iddia edilib. Bu vəziyyət, tiroid vəzinin şüalanmaya qarşı həssaslığı ilə əlaqələndirilir.

Mövzu ilə bağlı Uşaq Endokrinologiyası mütəxəssisi Prof. Dr. Atilla Böyükgebiz mühüm açıqlamalar verib.

Bluetooth qulaqlıqlardakı gizli təhlükə
Araşdırma göstərir ki, Bluetooth qulaqlıqlardan tez-tez və uzun müddət istifadə edən şəxslərdə tiroid vəzində anormal böyümələrə səbəb olan düyünlərin yaranma riski artıb.

Bu tapıntılar sağlamlıq üçün narahatlıq doğursa da, Bluetooth şüalanmasının tiroid sağlamlığına uzunmüddətli təsirini tam anlamaq üçün daha çox araşdırma tələb olunur.

Prof. Dr. Böyükgebiz, RF şüalanmasının ionlaşdırıcı olmayan növ olduğunu və bu təsirin tam olaraq sübut edilməsi üçün daha geniş elmi məlumatlara ehtiyac olduğunu vurğulayıb.

"Şüalanmaya ən çox məruz qalan orqan"
Tiroid vəzinin bədənin ən çox qanlanan orqanlarından biri olduğunu bildirən Böyükgebiz, bu orqanın şüalanmaya qarşı olduqca həssas olduğunu qeyd edib. O vurğulayıb ki, xüsusilə yod çatışmazlığı vəziyyətində tiroid vəzi böyüyərək daha həssas hala gəlir.

Prof. Dr. Böyükgebiz əlavə edib ki, şüalanmanın yalnız tiroid sağlamlığı deyil, həm də beyin sağlamlığı üzərində mənfi təsirləri ola bilər. Son araşdırmalar göstərir ki, mobil telefonlar və Bluetooth qulaqlıqların yaydığı şüalanma hormon balansına təsir edə və hətta erkən yetkinlik kimi inkişaf dəyişikliklərinə səbəb ola bilər.

"Qorunmaq üçün ən yaxşı yol: Yod"
Tiroid sağlamlığını qorumağın ən mühüm yollarından biri yetərli yod qəbulunu təmin etməkdir. Tiroid vəzi düzgün işləmək üçün yod tələb edir. Böyükgebiz, xüsusilə yod çatışmazlığı olan bölgələrdə yodlu duz istifadəsinin vacib olduğunu qeyd edib.

Eyni zamanda Bluetooth qulaqlıqlardan və mobil telefonlardan mümkün qədər uzaq durmaq, tiroid və beyin sağlamlığını qorumaq üçün mühüm addımdır. Uzunmüddətli istifadə əvəzinə, bu cihazları hoparlör vasitəsilə istifadə etmək daha təhlükəsiz ola bilər.

"Uşaqlarda radiasiyaya məruz qalma artır"
Uşaqların tiroid sağlamlığını qorumaq üçün onların bu cihazlardan uzaq durmasının vacibliyini bildirən Böyükgebiz, ailələrə uşaqların ekran qarşısında keçirdiyi zamanı məhdudlaşdırmağı tövsiyə edir.

Nəticə etibarilə, həm yod qəbuluna diqqət yetirmək, həm də şüalanma mənbələrindən uzaq durmaq tiroid sağlamlığını qorumaqda əsas rol oynayır.

Lalə Qüdrətova
Milli.Az