Sağlamlıq

Hovuza və dənizə bu cür tullanmaq ölümə səbəb ola bilər

29 İyul 2024 17:59

Baxış: 781

#MARAQLI #SAĞLAMLIQ #DƏNİZ #ÇİMƏRLİK

Hovuza və dənizə akrobatik formada tullanmaq ölümə səbəb ola bilər.

Milli.Az baku.ws-ə istinadən bildirir ki, türkiyəli beyin cərrahı həkimi Yasin Levend Özçelik dənizə və hovuza atılarkən edilən akrobatik hərəkətlər barədə insanlara xəbərdarlıq edib.

Özçelik dənizə baş vurmazdan əvvəl dərinliyə fikir verməyi və yerdə daş-qalaq olub-olmadığını bilməyin vacibliyini vurğulayıb:

"Dəqiqliyi və dərinliyini bilmədən atlayarkən başımızı və ya bədənimizi böyük daşa və ya qayaya vura bilərik. Bu da beyin qanaxması, onurğa qırılması, boyun qırılması, kəllə qırılması kimi bir çox qəzalara səbəb ola bilər. Hətta bu hərəkət bəzən iflicə və ölümə səbəb ola bilər".

Özçelik onu da qeyd edib ki, hovuza atlamaq üçün onun dərinliyi 1 metr 60 santimetrdən çox olmalıdır, əks halda hovuza atlamaq ölümlə nəticələnə bilər.

Milli.Az

Xəbərlərimizi WhatsApp kanalımızdan da oxuyun