Sağlamlıq

Qaraciyər xərçəngindən qorunmağın qeyri-adi üsulu

12 May 2024 11:00
Baxış: 1 110
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Alman Xərçəng Araşdırma Mərkəzinin və Tübingen Universitetinin alimləri müəyyən ediblər ki, 5:2 nisbətində pəhriz əsasında fasiləli aclıqla siçanlarda iltihabın və qaraciyər xərçənginin qarşısını almaq mümkün olur.

Milli.Az oxu.az-a istinadən bildirir ki, təcrübə iki qrup siçan üzərində aparılıb. Birinci mərhələdə heyvanlar yüksək şəkər, yağ tərkibli qidalar və ya tipik "Qərb pəhrizi" ilə qidalanıblar. Birinci qrup siçanların qidaya daimi çıxışı olub. Pəhriz müdaxiləsi dövrünün sonuna yaxın heyvanlarda xroniki qaraciyər iltihabı yaranıb.

Digər qrupdakı siçanlara həftədə iki gün yemək verilməyib. Bu yemək planı 5:2 cədvəlində fasiləli aclıq adlanır.

Nəticələr göstərib ki, yağlı və şirin qidalar yeməsinə baxmayaraq, ikinci qrupdan olan heyvanlar kökəlməyiblər. Onların bədənlərində qaraciyərin zədələnməsini göstərən biomarkerlərin səviyyəsi də aşağı olub. Tədqiqatçılar yağlı qaraciyər xəstəliyinin inkişafına qarşı müqavimətin həftəlik ümumi kalori qəbulundan asılı olmadığını qeyd ediblər.

Alimlərin fikrincə, yağlı qaraciyər xəstəliyi (yağlı distrofiya, piylənmə) qaraciyər xərçənginə səbəb ola bilər. Fasiləli aclıq isə onun inkişaf riskini azaldır.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.