Bal ilə su içənlərə XƏBƏRDARLIQ

Payızda immunitet sistemini gücləndirmək vacib zərurətə çevrilir. Çünki məhz bu mövsümdə soyuqdəymə və xəstəliklər riski artır. Çox vaxt xəstəliklərin qarşısını almaq üçün bal ilə su içmək üsulundan istifadə edirlər. 

Milli.Az lent.az-a istinadən bildirir ki, ballı su maddələr mübadiləsini yaxşılaşdırır, iştahı tənzimləyir, arıqlayır və orqanizmi vitaminlərlə zənginləşdirir. Lakin bu ifadələrin heç də hamısı doğru deyil. Bal ilə suyun bədənə necə təsir etdiyini başa düşmək üçün balın tərkibini nəzərə almaq lazımdır.

Balın tərkibində:

95 faizdən çox fruktoza və qlükoza

1-2 faiz su

1 faiz amin turşuları

1-2 faiz vitamin və minerallar (kalium, B6, dəmir, pantotenik turşu)

Onu da xatırlamaq lazımdır ki, 100 qram balda 82 qram karbohidrat və 300 kilokalori var.

Dietoloq bildirir ki, bal, tərkibində az miqdarda vitamin, mineral və antioksidan olan şəkər növüdür. Ancaq onların baldakı miqdarı demək olar ki, minimaldır və nəzərəçarpacaq fayda əldə etmək üçün onları əhəmiyyətli miqdarda istehlak etmək lazımdır. Bu da həmişə məsləhət görülmür. 

Lazımi vitamin və mineralları əldə etmək üçün pəhrizinizə daha çox meyvə, tərəvəz və giləmeyvə daxil etmək tövsiyə olunur. Bal, öz növbəsində, optimal mineral mənbəyi deyil, çünki onun miqdarı gündəlik dəyərin 1% -dən azdır.

Onu da nəzərə almaq lazımdır ki, metabolik sindrom, gut, yağlı qaraciyər xəstəliyi, şəkərli diabet və dislipidemiyadan əziyyət çəkən insanlar kimi bal qəbulunu məhdudlaşdırmaq tövsiyə olunan qruplar var.

Bu içkini içərkən ilıq suda həll olunan şəkər tez qana sorulur və bu proses ağız boşluğunda başlayır. Nəticədə qanda qlükoza səviyyəsi yüksəlir və səhər yeməyi gələnə qədər iştah azalır, bu da daha az qidalı məhsulların qəbuluna səbəb ola bilər. Bununla belə, sonradan siz aclıq hiss edə və arzuolunmaz qidaları yeməyə başlaya bilərsiniz. 

Milli.Az