Sağlamlıq

İştahanı azaldan qidalar

23 Mart 2022 18:12

0 Şərh Baxış: 1 072

VTB-də minimal faiz dərəcəsi ilə nağd kredit 10.49%-dən

İştahanın artması və ya azalması balanssız qidalanmaqdan irəli gəlir. Məsələn, iki yemək arasındakı müddət uzun olduqda orqanizm həddindən artıq aclıq hissi keçirir, qanda şəkər balansı pozulur. Nəticədə daha çox yeməli olursunuz. Lazım olandan çox yemək isə qanda şəkərin səviyyəsinin daha tez düşməsinə gətirib çıxarır və qısa müddətdən sonra yenidən aclıq keçirirsiniz.

Milli.Az axşam.az-a istinadən bu vəziyyətlə qarşılaşmamaq üçün hansı qidaları istehlak etməli olduğunuzu təqdim edir.

Yaşıl çay

Bu çay iştaha səbəb olan hormonların ifrazını azaldır.

Yumurta

Zülallarla zəngin yumurtanı səhər yeməyində istehlak etmək gün ərzində toxluq hissi yaradır.

Yulaf

Tərkibindəki yüksək lif səbəbi ilə həzm prosesi uzun müddət davam edir. Bu da toxluq hissini uzun müddət təmin edərək iştahanı azaldır.

Çərəzlər

Vitaminlər, minerallar, yağlar və liflərlə zəngin olan qoz, fındıq, badam gec həzm olunaraq toxluq hissini uzun müddət təmin edir. Lakin yüksək kalorili olduğundan qədərində istehlak edilməlidir.

Darçın

Qidalarla birlikdə istehlak edildikdə onların qlisemik indeksini aşağı salaraq toxluq hissi yaradır.

Milli.Az