Gürcüstandakı siyasi hadisələrdə Qərbin əlinin olduğuna dair faktlar var

Gürcüstan baş verən siyasi hadisələri Qərbin təsiri altında baş verən proseslər kimi qiymətləndirir. Proseslərdə bu izlər aşkar görünür.

Milli.Az xəbər verir ki, bu barədə Trend-ə açıqlamasında politoloq Rüfət Hüseynli deyib.

O bildirib ki, Gürcüstan yerləşdiyi coğrafi mövqe və geosiyasi vəziyyəti ilə bir çox ölkələrin toqquşduğu bir ölkədir.

Bu cür təsirlər və güc oyunları müəyyən hadisələrdə qarşıdurmalara və siyasi gərginliyə səbəb olur. Belə yanaşmalar bəzi Gürcüstan vətəndaşları arasında uçurumu dərinləşdirir. Bir tərəfdən ölkənin müstəqil siyasət yeritməsinə və öz maraqlarını qorumasına önəm verənlər, digər tərəfdən isə daha çox Qərbin təsiri altında siyasət yeritmək istəyənlər mövcuddur.

Gürcü xalqının bu məsələyə necə yanaşacağı ölkənin gələcək siyasətini və daxili sabitliyini müəyyənləşdirəcək. Əslində, xalqın başa düşməsi və sağlam qərarlar verməsi dövlətin müstəqilliyini qorumaq və öz milli maraqları baxımından çox önəmlidir. Qərbin və ya hər hansı bir xarici gücün təsiri altında olmamaq güclü və müstəqil bir Gürcüstanın qurulmasına imkan verə bilər.

Gürcüstanın gələcəyi yalnız xarici güclərin təsirindən deyil, həm də onun öz vətəndaşlarının və siyasi rəhbərliyinin düzgün seçimlərindən asılı olacaq".

Politoloq Fuad Məmmədov isə bildirib ki, Gürcüstanda baş verən siyasi hadisələrdə Qərbin əlinin olduğuna dair faktlar var.

"Gürcüstan Şərqlə qərbin kəsişməsində yerləşən bir ölkə olaraq strateji əhəmiyyətə malikdir. Bu vəziyyət Gürcüstanın daxili siyasətindəki hadisələrin xarici qüvvələr tərəfindən təsirlənməsi ehtimalını artırır.

Qərbin Gürcüstanda, xüsusən son onilliklərdə həm siyasi, həm də iqtisadi sahələrdə təsirinin olduğunu inkar etmək mümkün deyil. Gürcüstanda ictimaiyyət arasında Qərb ölkələrinin onların daxili işlərinə qarışması barədə böyük narahatlıqlar var.

Gürcüstanda baş verən son siyasi gərginliklər və etirazlar ölkədə daxili münaqişələri daha da dərinləşdirir. Baş verənlərin bir çoxu Avropa və ABŞ-nin siyasi maraqları ilə əlaqələndirilir. Qərbin öz strategiyasını yeridən bir alətə çevrildiyini düşünürlər. Bu da öz növbəsində, Gürcüstanda daxili siyasi qarşıdurmaların güclənməsinə səbəb olur".

O qeyd edib ki, Gürcüstanın vətəndaşlarının siyasi qərarları, yalnız xarici təsirlərdən deyil, həm də daxili sosial və siyasi şəraitdən asılıdır.

"Gürcü xalqının öz maraqlarını qorumaq və müstəqil qərarlar qəbul etmək hüququna sahib olması çox önəmlidir. Bu, ölkənin gələcək inkişafı və müstəqil siyasətinin təməlini təşkil edəcək", - politoloq bildirib.

Milli.Az