Gürcüstan

Gürcüstan ilə bağlı bu qeyd NATO-nun bəyannaməsindən çıxarıldı

11 İyul 2024 17:27
Baxış: 1 307
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gürcüstanın NATO-ya qoşulma ehtimalı ilə bağlı bütün qeydlər Alyansın son sammitinin bəyannaməsindən çıxarılıb.

Milli.Az report-a istinadən xəbər verir ki, NATO-nun iyulun 10-da Vaşinqtonda keçirilən yubiley sammitindən sonra qəbul edilən bəyannamədə Gürcüstan konkret bir bölmədə yalnız bir dəfə xatırlanıb.

"Biz heç vaxt Rusiyanın Ukrayna ərazisini, o cümlədən Krımı sonuncu ilhaqını tanımayacağıq. Biz, həmçinin Rusiyanı bütün icazəsiz qüvvələrini Moldova Respublikasından və Gürcüstandan çıxarmağa çağırırıq", - bəyannamədə yazılıb.

İlk dəfədir ki, NATO sammitinin ardınca verilən bəyannamədə Gürcüstanın Alyansa qoşulmaq istəməsi və namizəd olmağa hazırlaşması faktı qeyd olunmur.

Qeyd edək ki, ABŞ-nin paytaxtı Vaşinqtonda NATO-ya üzv ölkələrin dövlət və hökumət başçılarının sammiti keçirilir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.