Elm və təhsil işçilərinə 19 minə yaxın yollayış verilib

Cari ilin yanvar-avqust aylarında ittifaqın fəaliyyət istiqamətləri ümumilikdə 119 577 nəfər üzvü əhatə edib".

Bu barədə Milli.Az-a Elm və Təhsil İşçiləri Həmkarlar İttifaqı Respublika Komitəsindən məlumat verilib. 

Qeyd edilib ki, hesabat dövründə ittifaq üzvlərinin 829 nəfəri təlimlərə cəlb edilib, 18 832 nəfərə sanatoriya-kurort yollayışları verilib. Bundan əlavə, 32 137 nəfər müxtəlif tur və ekskursiyalarda, 30 446 nəfər isə mədəni-kütləvi və idman tədbirlərində iştirak edib. Eyni zamanda, 37 333 nəfərə maddi yardım göstərilib.

Məlumata əsasən, cari ilin yanvar ayından 20 avqust tarixinədək elm və təhsil işçiləri, həmçinin onların ailə üzvlərinə 18 832 yollayış təqdim olunub. Bu yollayışlardan ümumilikdə 30 264 nəfər faydalanıb.

Qeyd edək ki, Elm və Təhsil İşçiləri Həmkarlar İttifaqı öz sıralarında 400 mindən çox üzvü birləşdirir. Bu, gəlir məqsədi daşımayan, müstəqil, qeyri-kommersiya və qeyri-siyasi təşkilatdır.
 

Milli.Az