Məzunlara diplom nə vaxt verilməlidir? - AÇIQLAMA

4 illik tələbə həyatının ən önəmlisi diplomdur. Amma bəzi universitetlər nəinki diplomu məzun günündə vermir, hətta aylarla yubadır. Diplomların məzun günündə verilməsi təkcə tələbələrin arzusu deyil, həm də günün tələbidir. Çünki, diplomlarla ya işə düzəlir, ya da təhsillərini xaricdə davam etdirirlər. 

Bəs diplomlar niyə digər xarici dövlətlərdə olduğu kimi vaxtında verilmir? 

Milli.Az xəbər verir ki, hazırda 51 ali təhsil müəssəsində 190 min tələbə təhsil alır. Təxminən hər il 43 minə yaxın tələbə məzun olur. Qanunvericiliyin tələbinə əsasən, tələbə məzun olmazdan 10 gün ərzində onun təhsilini başa vurması ilə bağlı dövlət nümunəli diplom mütləq şəkildə verilməlidir. Çünki həmin şəxslər təhsilini tamamladıqdan sonra əmək münasibətinə cəlb edilir. 

Məsələ ilə bağlı təhsil eksperti Kamran Əsədov bildirib ki, qanunvericiliyə görə, artıq mart ayında tələbələrin bütün akademik öhtəliklərini yerinə yetirdiyi halda tələbənin bütün məlumatları tələbə məzmun sisteminə yerləşdirilməlidir. Həmçinin, Elm və Təhsil Nazirliyinə tələbələrlə bağlı məlumatlar göndərilməlidir. 

Ekspert hesab edir ki, diplomların gec verilməsinin digər səbəbi isə diplomların xüsusi xətdatlar vasitəsi ilə yazılmasıdır. Ali təhsil müəssələrinin əksəriyyəti isə xəttatla işləyir. Bir nəfərin də bütün tələbələrin diplomlarını yazması aylarla vaxt alır. 

Məsələ ilə bağlı Elm və Ali Təhsil üzrə Dövlət Agentliyindən bildirildi ki, diplomlar təhsil müəssələri tərəfindən hazırlanaraq məzunlara təqdim olunur. Təhsil haqqında dövlət nümunəli sənədlər diplom blanklarının verilməsi üçün müəssələri Elm və Ali Təhsil üzrə Dövlət Agentliyinə müraciət edir və agentlik tərəfindən müraciətlərin hüquqi əsası araşdırıldıqdan sonra təhsil müəssəsinə müvafiq cavab bildirilir. Diplomların təqdim olunmasında gecikmələrin yaranması təhsil müəssəsinin müraciət etdiyi vaxt və digər məsələlərdə bağlıdır. 

Aysel Əkbər
Milli.Az