Yeni ixtisaslar hansı universitetlərdə tədris ediləcək? AÇIQLAMA

Ali təhsilin bakalavriat səviyyəsi üzrə yeni ixtisaslar yaradılıb. 

Bəs yeni ixtisaslar hansı universitetlərdə tədris ediləcək? 

Məsələ ilə bağlı Milli.Az-a təhsil eksperti Kamran Əsədov açıqlama verib:

"Yeni yaradılan ixtisasların çoxu birinci qrupdadır. Burada ən vacib ixtisaslardan biri data analtika ixtisasıdır. Yalnız riyaziyyat informatika alt qrupuna üstünlük verən abituriyentlərin bu ixtisası seçmək imkanı olacaq. Data analtika ixtisasının Bakı Ali Neft Məktəbi və BDU-da olması planlaşdırılır. Bu il birinci ixtisas qrupunda yeni yaradılan ixtisaslardan biri də Fizika Riyaziyyat müəllimliyidir. Sözügedən ixtisasın BDU, ADPU,eləcə də Gəncə və Sumqayıtda olması nəzərdə tutulub". 

Ekspert qeyd edib ki, digər ixtisas isə heyvandarlıqla bağlıdır:

"Bu ixtisas Gəncə Aqrar Universiteti, Lənkəran Dövlət Universitetində olması planlaşdırılır. Təbii ki, ən vacib ixtisas siyahısında biz qeyd etməliyik ki, kənd təsərrüfatı texnologiyalar ixtisası bu da Gəncə şəhərində olacaqdır. Üçüncü ixtisas isə bu bizim abituriyentlərimiz üçün xüsusi pedaqoqiya ixtisasıdır. Bu da BDU, ADPU, ADU, BSU və bir neçə özəl universitetdə tədris olunacaqdır. Bu il əmək bazarının ən vacib ixtisasları sırasında dördüncü qrupda qidalanma və dietologiya ixtisası da yer tutur. Bu yeni ixtisasın ATU və Gəncədə tədris olunması proqnozlaşdırılır". 

Bəs yeni yaradılan ixtisaslar qəbul prosesinə necə təsir göstərəcək? 

Ekspert bildirib ki, yeni ixtisaslar qəbul ballarına təsir göstərməyəcək.

Məsələ ilə bağlı DİM-dən bildirildi ki, yeni ixtisasların hansı ali təhsil müəssəsində olması Nazirlər Kabinetinin qərarından sonra tam bəlli olacaq. 

Aysel Əkbər
Milli.Az