İqtisadiyyat

“Gələn il bu avtomobilləri tapmaq çətin olacaq” - Ekspertdən bahalaşma və qıtlıq anonsu

20 Oktyabr 2021 03:17
0 Şərh     Baxış: 2 063
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Avtomobil bazarında ikinci əl maşınlar bahalaşıb".

Milli.Az xəbər verir ki, sfera.az-a danışan nəqliyyat məsələləri üzrə ekspert Eldəniz Cəfər bahalaşmanın səbəblərini izah edib:
 
"Birinci əl avtomobil bazarındakı qiymətlərdə artım yoxdur. İlin əvvəlində yeni avtomobillərin qiymətləri təxminən 5 faiz yüksəlmişdi ki, bu da daşınma xidmətləri üçün təklif olunan ödəmələrin artması ilə bağlı idi. Hazırda yeni avtomobillərlə bağlı qiymətlər stabil olaraq qalır, ikinci əl avtomobillərdə isə 2-5 faiz artım müşahidə edilir. Avtomobil bazarı müstəqil sektordur və bura təsir edən amillər arasında daşınma xərcləri yer alır. Bu ilin sonunadək avtomobillərdə ciddi qiymət dəyişikliyinin olacağını düşünmürəm".

Ekspert 2022-ci ilin yaz aylarında avtomobil çatışmazlığının olacağını proqnozlaşdırır:

"Gələn ildən etibarən yeni avtomobilərin qiymətində artımlar görə bilərik. Bu da dünyanın aparıcı avtomobil istehsalçılarının pandemiya dönəmində istehsalla bağlı problemlərinin yaranması ilə əlaqədardır. İstehsalda olan çatışmazlıqla bağlı 2021-ci ilin sonu və 2022-ci ilin əvvəllərdinə avtomobil çatışmazlığı müşahidə edilə bilər. Gələn ilin yaz aylarında komfortlu, təhlükəsiz Yaponiya və Avropa avtomobillərinin çatışmazlığını görəcəyik. Bu da yeni avtomobillərin qiymətinə 6-7 faiz təsir edəcək".

Milli.AZ

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.