İqtisadiyyat

Azərbaycanda ÜDM-in həcmi artıb

10 İyun 2021 13:21
Baxış: 284

2021-cu ilin yanvar-may aylarında Azərbaycanın ümumi daxili məhsulu (ÜDM) ötən ilin eyni dövrü ilə müqayisədə 0,8 faiz artıb.

Milli.Az Trend-ə istinadən bildirir ki, bu barədə Dövlət Statistika Komitəsinin hesabatında deyilir.

Hesabat dövründə ölkədə ÜDM 31,5 milyard manatı ötüb.

Ökə iqtisadiyyatının neft-qaz sektorunda əlavə dəyər 6,7 faiz azalıb, qeyri-neft-qaz sektorunda isə 4,5 faiz artıb.

Yanvar-may aylarında adambaşına düşən ÜDM-in dəyəri isə 14,2 faiz artaraq 3 150,6 manat təşkil edib.

ÜDM-in strukturunda 41,2 faizi sənaye, 10,4 faizi ticarət, 7,5 faizi nəqliyyat və anbar təsərrüfatı, 5,3 faizi tikinti, 4,2 faizi kənd təsərrüfatı, meşə təsərrüfatı və balıqçılıq, 1,9 faizi informasiya və rabitə, 1 faizi turistlərin yerləşdirilməsi və ictimai iaşə sahələrinin, 18,8 faizi digər sahələrin payına düşüb.

Məhsula və idxala xalis vergilər ÜDM-in 9,7 faizini təşkil edib.

Milli.Az 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.