PUL
Yaxın aylarda İran, Rusiya və Azərbaycanın elektrik şəbəkələrinin birləşdirilməsi üzrə layihə işə salınacaq.
Milli.Az Trend-ə istinadən xəbər verir ki, bunu İranın Energetika naziri Rza Ərdəkanian deyib.
Onun sözlərinə görə, İranın elektrik şəbəkəsi hazırda iki marşruta malikdir - Rusiyanın elektrik şəbəkəsinə birləşmək üçün biri Azərbaycan, digəri Gürcüstan ərazisindən keçir.
Nazir vurğulayıb ki, tərəflər arasında razılığa əsasən layihənin reallaşdırılması ilə İranın mühəndis şirkəti məşğul olacaq:
"İran, Rusiya və Azərbaycanın elektrik şəbəkələrinin birləşdirilməsi çox vacib və zəruri layihədir".
Qeyd edək ki, 2018-ci ilin oktyabrında verilmiş məlumata görə, üç ölkə elektrik şəbəkələrinin sinxronlaşdırılması ilə bağlı danışıqlar aparır.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.png)
