Sağlamlıq

Saç tökülməsinin çarəsi tapıldı

9 Oktyabr 2025 23:47
Baxış: 2 232
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ #SAÇ TÖKÜLMƏSİ

Alimlər saç tökülməsinə qarşı dərmanın təsirini artırmağın yeni yolunu tapıblar.

Milli.Az xəbər verir ki, Sidney Universitetinin tədqiqatçıları saç tökülməsinə qarşı əsas preparat olan minoksidilin effektini gücləndirən yeni üsul təklif ediblər.

"Advanced Healthcare Materials" jurnalında dərc olunan araşdırmaya görə steviya bitkisindən alınan təbii şirinləşdirici steviosid dərmanın dəriyə nüfuzunu artırır.

Mütəxəssislərin sözlərinə görə, minoksidilin əsas problemi onun zəif həll olunması və dəridən keçmə qabiliyyətinin az olmasıdır. Nəticədə preparatın bir hissəsi saç follikullarına çatmır. Steviosid əlavə edilən xüsusi həll olunan plastır vasitəsilə dərinin dərmanı daha yaxşı mənimsədiyi müşahidə olunub.

Siçanlar üzərində aparılan sınaqlarda bu kombinasiyanın saç follikullarını aktivləşdirdiyi və yeni tüklərin çıxmasını stimullaşdırdığı müəyyən edilib. Alimlər hesab edirlər ki, təbii komponentin istifadəsi terapiyanı həm daha təsirli, həm də uzunmüddətli tətbiq üçün təhlükəsiz edir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.