İqtisadiyyat

Cavid Qurbanov: "Azərbaycana əlavə 50 sərnişin qatarı, 4000-ə yaxın yük vaqonu lazımdır"

22 May 2019 18:54
2 Şərh     Baxış: 983

Azərbaycana əlavə 50 sərnişin qatarı, 4000-ə yaxın yük vaqonu lazımdır.

Milli.Az Trend-ə istinadən bildirir ki, bunu "Azərbaycan Dəmir Yolları" QSC-nin sədri Cavid Qurbanov deyib.

Onun sözlərinə görə, bu il üç qatar alınması ilə bağlı "Stadler" şirkətinə sifariş verilib. Növbəti illərdə 12 qatarın alınması nəzərdə tutulur:

"Bakıda dəmir yolu nəqliyyatını genişləndirmək fikrimiz var. Hava limanına qədər dəmir yolu uzadılacaq. Bunun ən müsbət cəhəti odur ki, dəmir yolu nəqliyyatı təhlükəsizdir, rahatdır və qiyməti uyğundur. İndiyə qədər 3100 yük vaqonu alınıb. "Stadler"lə danışıqlar apardıq, 4 vaqondan ibarət 7 qatar aldıq. Qatarlardan bəziləri dizel qatarları olacaq. Ümumilikdə 50 sərnişin qatarı, 4000-ə yaxın vaqon almaq lazımdır".

Cavid Qurbanovun sözlərinə görə, yeni dəmir yolu stansiyaları yeni konsepsiya əsasında qurulur.

"Bu konsepsiyada rahatlıq və təhlükəsizlik əsas götürülüb. Stansiyaların ətrafında parklar qurulub, insanlar burda dincələ bilərlər. Yeni dəmir yolu stansiyaları qurularkən təhlükəsizlik məsələlərinə xüsusi diqqət verilib. Stansiyalarda ticarət mərkəzi, kafelər, iaşə obyektləri olacaq".

QSC sədri qeyd edib ki, Bakının Sabunçu qəsəbəsində nəqliyyat habının yaradılması planlaşdırılır: "Bakı Nəqliyyat Agentliyi ilə də apardığımız danışıqların mahiyyəti ondan ibarətdir ki, bu hab hesabına şəhərin mərkəzinə daha az avtobus daxil olsun. Sabunçu bir növ ikinci şəhər mərkəzi olsun".

Milli.Az

loading...

Şərh yaz:

2 Şərh:

  • Anonim
    AZƏRBAYCAN VƏTƏNDAŞI · 22 May 20:1010

    SAĞ OLSUN BU KİŞİNİ --CAVİD QURBANOV --BU KİŞİ İŞLƏYİR.

    Cavab yaz
  • Anonim
    Fvb · 23 May 20:0100

    Cavid bəy birde cavan kadrlar!!! Yeni düshunce ile. Sovet vaxtinin abu havasi ile ishleyenleri istirahete göndermek lazimdir

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.