İqtisadiyyat

Dövlət Neft Şirkəti “SOCAR Absheron” şirkətinin ləğv edilməsi məsələsinə aydınlıq gətirib

13 Fevral 2019 13:09
Baxış: 884

"Azərbaycan Respublikası Dövlət Neft Şirkəti (SOCAR) və Fransanın "Total" şirkətinin birgə müəssisəsi "SOCAR Absheron" ləğv edilməyib".

Milli.Az xəbər verir ki, bunu Trend-ə SOCAR-ın İctimaiyyətlə əlaqələr şöbəsinin rəis müavini İbrahim Əhmədov deyib.

Onun sözlərinə görə, söhbət ləğvdən yox, şirkətin qeydiyyat ünvanının dəyişdirilməsindən gedir:

"Bu prosedurun məqsədi optimallaşdırma və xarici tərəfdaşlarla əlaqələrin səmərəliliyinin artırılmasıdır, çünki "SOCAR Absheron" "Abşeron" yatağının məhsullarının bölüşdürülməsi barədə saziş çərçivəsində şirkətin maraqlarını təmsil edir".

Qeyd edək ki, ötən gün Vergilər Nazirliyinin "Vergilər" qəzetində "SOCAR Absheron"un ləğv olunması barədə məlumat verilmişdi.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.