İqtisadiyyat

Nazir: “Azərbaycandakı mobil rabitə operatorlarının qiymət sistemi şəffaf deyil”

24 Yanvar 2011 17:52

Baxış: 285

VTB-də minimal faiz dərəcəsi ilə nağd kredit 9.9%-dən

Milli.Az xəbər portalının məlumatına görə, bunu AzərTAc dövlət agentliyinə rabitə və informasiya texnologiyaları naziri Əli Abbasov deyib: "Bu sahədə qeyri-şəffaf vəziyyət bir tənzimləyici orqan kimi nazirliyi qane etmir. Şirkətlər hər 3 ayda bir dəfə mövcud tariflərini açıqlamalıdırlar".

Nazirin sözlərinə görə, aparılan araşdırmalar nəticəsində məlum olub ki, mobil operatorların xarici ölkələrlə danışıq qiymətləri beynəlxalq tariflərə nisbətən artırılıb: "Mobil şirkətlər müxtəlif üsullardan istifadə etməklə qiymətləri hətta Tarif (qiymət) Şurasının qoyduğu həddən də yuxarı qaldırırlar". Əli Abbasov bildirib ki, bu gün bir neçə ölkə - Rusiya, Ukrayna, Türkiyə, Birləşmiş Ərəb Əmirlikləri ilə danışıqlar üçün rouminq qiymətləri beynəlxalq tariflərdən dəfələrlə bahadır: "Hazırda həmin ölkələrin operatorları ilə işlər aparılır. Yaxın vaxtlarda bu barədə məlumat veriləcək".

Milli.Az