İqtisadiyyat

Avropadan etiraf: "Azərbaycan yeganə alternativ qaz tədarükçüsüdür"

12 Aprel 2015 12:09
Baxış: 2 692
VTB-də minimal faiz dərəcəsi ilə nağd kredit 10.49%-dən
#AZERBAİJAN #SİYASƏT #İQTİSADİYYAT #ALTERNATİV-GROUPE DİMOTRANS
Bu gün Azərbaycan Avropaya yeganə alternativ qaz tədarükçüsüdür. Bunu Trend-ə açıqlamasında İtaliyanın Beynəlxalq Münasibətlər İnstitutunun direktoru Ettore Qreko bildirib.

Onun sözlərinə görə, Avropaya potensial qaz tədarükü strateji infrastrukturun mövcudluğunu tələb edir: "Və bu cür infrastrukturun yaradılması üzrə real işi hazırda yalnız Azərbaycan aparır".

İnstitut direktoru qeyd edib ki, Avropaya digər regionlardan qaz nəqli ilə bağlı müəyyən problemlər var: "Türkmənistandan qaz nəqli üçün Transxəzər boru kəmərini inşa etmək lazımdır, amma Xəzərin statusu ilə bağlı uzanan müzakirələr layihənin gerçəkləşməsinə əngəl törədir. Bundan başqa, Türkmənistan öz qazının böyük hissəsini Çinə ixrac edir. Şərqi Aralıq dənizi bölgəsindən də (İsrail, Kipr) qaz nəqli ehtiyatların az olması səbəbindən problematikdir".

E.Qreko əlavə edib ki, Avropada şist qazının hasilatı üzrə mövcud layihələr də dondurulub: "Ona görə də Azərbaycan hazırda yeganə alternativ qaz tədarükçüsü sayıla bilər".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.