İqtisadiyyat

Kapital Bankda kredit borcunun online ödənişi

17 Oktyabr 2013 17:15
Baxış: 22 500
VTB-də minimal faiz dərəcəsi ilə nağd kredit 9.9%-dən
Müştərilərin vaxtına böyük dəyər verən, onların rahatlığını düşünən Kapital Bank yeni bir imkan yaratdı.

Gündəlik tələbat kreditləri üzrə Banka olan aylıq borcları ödəmək üçün daha ayda bir dəfə vaxt itirib Kapital Bankın filialına getməyə ehtiyac yoxdur. Bankın yenicə istifadəyə verdiyi "Online kredit ödənişi" sistemi vasitəsilə bu prosesi indi cəmi bir neçə dəqiqə ərzində yerinə yetirmək mümkündür. Həm də evdən, iş yerindən kənarlaşmadan, sadəcə, kompüter qarşısında əyləşərək.

Gündəlik tələbat krediti üzrə borcunu online rejimində ödəmək istəyən müştəri bunun üçün Kapital Bankın www.kapitalbank.az saytında yerləşdirilmiş "Online kredit ödənişi" bölməsinə daxil olur. Bu bölmədə o, öz kreditlərinin siyahısını iki yolla əldə edə bilər: 1) CİF nömrəsini daxil etməklə; 2) Müqavilə nömrəsini daxil etməklə. (Bu nömrələrin hər ikisi müştəriyə verilmiş kredit müqaviləsində öz əksini tapıb).

Kredit siyahısı monitorda göründükdən sonra müştəri siyahıda müvafiq krediti seçir. Həmin kredit üzrə aylıq ödənişin məbləğini sistemə daxil edir. Sonra kart vasitəsilə ödəməni aparır. Ödənişi respublikadakı bütün baklara məxsus MasterСard və ya Visa kartları vasitəsilə yerinə yetirmək mümkündür.

Bu barədə ətraflı məlumatı 196 nömrəli müştəri xidmətindən əldə etmək olar.
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.