İqtisadiyyat

Azərbaycan Türkiyəyə qazı neçəyə satır?

11 Yanvar 2013 20:44
Baxış: 3 853
VTB-də minimal faiz dərəcəsi ilə nağd kredit 9.9%-dən
#AZERBAİJAN #TURKEY #PETKİM PETROKİMYA HOLDİNG AS
"Türkiyə üçün Azərbaycan qazının qiyməti min kubmetr üçün 350 dollar təşkil edir". Bunu "SOCAR Turkey Energy"-nin rəhbəri, "Petkim" neft-kimya kompleksinin İdarə Heyətinin üzvü Kənan Yavuz bəyan edib. Trend-in məlumatına görə, bu barədə cümə günü "Zaman" qəzeti xəbər verib.

Onun sözlərinə görə, Türkiyə üçün Azərbaycan qazı ən sərfəli qiymətədir. Çünki başqa mənbələrdən alınan qaz Türkiyəyə xeyli baha başa gəlir.

Belə ki, Türkiyə üçün İran qazının qiyməti min kubmetr üçün 500 dollar təşkil edir. Rusiyanın isə Türkiyəyə ixrac etdiyi qazın dəyəri bir min kubmetr üçün 400 dollardır.

Bu gün Türkiyə Cənubi Qafqaz qaz kəməri ilə "Şahdəniz" yatağından qaz almaq haqqında müqaviləyə malikdir. Müqaviləyə görə, layihənin işlənməsinin birinci mərhələsində Türkiyə ildə 6,6 milyard kubmetr qaz almalıdır. İkinci mərhələdə isə ölkə daha 6,6 milyard kubmetr qaz alacaq.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.