İqtisadiyyat

VAR bu hallarda müdaxilə edəcək: Yeni sistem

12 Avqust 2026 10:22

Baxış: 337

VTB-də minimal faiz dərəcəsi ilə nağd kredit 9.9%-dən

#FUTBOL #UEFA

UEFA hakimlik qərarlarının daha vahid və şəffaf şəkildə tətbiq olunması məqsədilə yeni "Clear Line" ("Aydın Xətt") platformasını istifadəyə verib.

Milli.Az-ın quruma istinadən məlumatına görə, yeni sistem UEFA-ya üzv bütün federasiyaların hakimləri tərəfindən təsdiqlənib.

"Clear Line" həm milli çempionatlarda, həm də Avropa turnirlərində hakim qərarları və VAR müdaxilələri üçün vahid yanaşmanın formalaşdırılmasına xidmət edəcək.

Platformada 150-dən çox müxtəlif hakimlik ssenarisi təqdim olunur. Bu nümunələrdə oyun qaydalarının fərqli situasiyalarda necə tətbiq edilməli olduğu, eləcə də VAR-ın hansı epizodlarda müdaxilə etməsinin və ya müdaxilədən çəkinməsinin düzgün sayıldığı izah edilir.

UEFA-nın sözlərinə görə, sistemin əsas məqsədlərindən biri VAR protokolunun mühüm prinsipini qorumaqdır. Buna əsasən, videohakim müdaxiləsi yalnız aydın və aşkar səhv baş verdiyi halda həyata keçirilməlidir.

Mübahisəli və mürəkkəb epizodlarla bağlı qərarların hansı məntiq əsasında qəbul edildiyi platformada video nümunələri və vizual izahlarla göstərilir.

Qurum hesab edir ki, "Clear Line" hakimlərlə yanaşı, futbolçuların, məşqçilərin, şərhçilərin və azarkeşlərin də hakim qərarlarını daha düzgün anlamasına imkan verəcək.

UEFA həmçinin bildirib ki, platforma daim yenilənəcək. Futbolda yeni və mürəkkəb situasiyalar meydana çıxdıqca, eləcə də müəyyən epizodların əlavə izahına ehtiyac yarandıqda sistemə yeni materiallar əlavə olunacaq.

Müəllif: Tural Hüseyn (Milli.Az redaktor)