İqtisadiyyat

Səkkiz OPEC+ ölkəsi gündəlik neft hasilatını 137 min barel azaldacaq

7 Sentyabr 2025 22:19
Baxış: 4 914
VTB-də minimal faiz dərəcəsi ilə nağd kredit 9.9%-dən
#NEFT

Sentyabrın 7-də səkkiz OPEC+ ölkəsi - Səudiyyə Ərəbistanı, Rusiya, İraq, BƏƏ, Küveyt, Qazaxıstan, Əlcəzair və Oman qlobal neft bazarındakı vəziyyəti qiymətləndirmək üçün onlayn iclas keçirib.

Milli.Az Trend-ə istinadən xəbər verir ki, sabit iqtisadi perspektivlərə və bazarın əlverişli fundamental göstəricilərinə istinad edərək, ölkələr qrupu 2023-cü ilin aprelində elan olunmuş gündə 1,65 milyon barel həcmində könüllü azalmaya əlavə olaraq, hasilatın gündə 137 min barel tənzimlənməsi barədə qərar qəbul edib. Bildirilib ki, dəyişiklik 2025-ci ilin oktyabrında qüvvəyə minəcək və həcmlərin bazar şərtlərindən asılı olaraq mərhələli şəkildə bərpası mümkündür.

Ölkələr Əməkdaşlıq Bəyannaməsinə sadiqliklərini təsdiqləyərək 2023-cü ilin noyabrında elan edilmiş gündəlik 2,2 milyon barel azalma da daxil olmaqla, əvvəlki könüllü azalmaların dayandırılması və ya geri qaytarılması üçün çevikliyi vurğuladılar. Onlar həmçinin 2024-cü ilin yanvar ayından etibarən istənilən artıq hasilatı tam kompensasiya etməyi öhdələrinə götürdülər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.