İqtisadiyyat

Dünya Çempionatının oyunlarına bileti Kapital Bankdan qazan!

19 İyul 2012 11:40
Baxış: 904
VTB-də minimal faiz dərəcəsi ilə nağd kredit 9.9%-dən
#KAPİTAL BANKA AD
Kapital Bankdan futbol azarkeşlərinə xoş xəbər var. Bankın Visa İnternational şirkəti ilə birgə təşkil etdiyi yeni kampaniya Azərbaycanda keçiriləcək 17 yaşlı qadınlar arasında futbol üzrə Dünya Çempionatını canlı izləmək arzusunda olanlar üçündür.

Kampaniyada Kapital Banka məxsus bütün növ Visa ödəniş kartları (Visa Infinite kartları istisna olmaqla) vasitəsilə istənilən tipli nağdsız ödəniş (POS-terminal, elektron ticarət və s.) həyata keçirmiş müştərilər iştirak edirlər. Kampaniyanın şərtlərinə görə, 16 iyul 2012-ci il tarixindən 16 sentyabr 2012-ci il tarixinə qədər Visa ödəniş kartı ilə hər bir nağdsız ödəniş əməliyyatının məbləği 20 manatdan az olmamaqla və gün ərzində eyni ticarət, iaşə və ya xidmət obyektində 2 dəfədən artıq olmamaqla ödəmə aparılmalıdır.

Belə bir ödəniş aparan müştərinin kartının nömrəsi avtomatik olaraq bankın məlumat bazasına daxil edilir. Kampaniya müddətində Visa ödəniş kartı ilə ən çox nağdsız ödəniş aparmış müştəri Dünya Çempionatının oyunlarına bilet qazanır.

Qaliblər 5 yer üzrə müəyyənləşdiriləcək. Ümumən 74 qalib seçiləcək. Biletlər aşağıdakı qaydada təqdim olunacaq: I yerə layiq görülən 5 nəfərin hər birinə (Çempionatın Final oyununa) 2 bilet; II yerə layiq görülən 6 nəfərin hər birinə (Yarımfinallara) 2 bilet; III, IV və V yerlərə layiq görülən 52 nəfərin hər birinə Çempionatın qrup oyunlarına 2 bilet.

Qaliblərin adları bankın www.kapitalbank.az rəsmi saytında dərc olunacaqdır. Biletlər qaliblərə kampaniya başa çatdıqdan sonra 7 gün ərzində təqdim ediləcək. Kampaniya 16 iyul 2012-ci il tarixindən 16 sentyabr 2012-ci il tarixinə qədər davam edəcək. Qeyd etmək lazımdır ki, kampaniya zamanı bütün növ Visa ödəniş kartlarına (Visa İnfinite istisna olmaqla) 50% endirim elan olunur.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.