İqtisadiyyat

Kreditlərlə bağlı vacib qərar - Mərkəzi Bank AÇIQLAYACAQ

21 Aprel 2025 09:49
Baxış: 2 092
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #MƏRKƏZİ BANK

Azərbaycan Mərkəzi Bankı (AMB) bu həftə növbəti dəfə uçot faiz dərəcəsi ilə bağlı qərarını verəcək.

Milli.Az xəbər verir ki, aprelin 23-də AMB bu il ərzində faiz dərəcəsi ilə bağlı üçüncü qərarını açıqlayacaq.

AMB-nin İdarə Heyəti ötən ilin mayından indiyə kimi verdiyi qərarlarda uçot dərəcəsini sabit saxlayıb. Mərkəzi Bank uçot dərəcəsini 7,25%, faiz dəhlizinin aşağı həddini 6,25%, faiz dəhlizinin yuxarı həddini isə 8,25% səviyyəsində dəyişməz saxlayıb.

AMB-dən bildirilib ki, faiz dəhlizinin parametrləri ilə bağlı növbəti qərarlar faktiki və proqnozlaşdırılan inflyasiya, xarici və daxili risk amillərinin dinamikasından asılı olacaq: "Qiymət sabitliyini təmin etmək üçün sərəncamındakı bütün vasitələrdən istifadə edəcək. Faktiki və proqnozlaşdırılan inflyasiyanın azalacağı təqdirdə faiz dəhlizi parametrlərinin azaldılması imkanları nəzərdən keçirilə bilər. Bununla yanaşı, Mərkəzi Bank inflyasiya risklərinin reallaşması halında adekvat reaksiya verəcək".

Qeyd edək ki, ilin əvvəlindən etibarən Azərbaycanda inflyasiya nisbətən artmaqda davam edib. Dövlət Statistika Komitəsinin açıqladığı son rəqəmlərə əsasən mart ayında qeydə alınan illik inflyasiya 5,9% təşkil edib. Başqa sözlə, qeydə alınan faktiki inflyasiya AMB-nin hədəf diapozonu (4±2%) daxilindədir. Bu isə o deməkdir ki, AMB bu həftəki qərarında uçot dərəcəsində dəyişiklik etməyə tələsməyəcək və növbəti dəfə faiz dərəcəsini sabit saxlaya bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.