İqtisadiyyat

"İstifadəyə verilməyən 10 layihəyə 40 milyon manata yaxın vəsait xərclənib"

24 May 2023 17:30

Baxış: 1 980

VTB-də minimal faiz dərəcəsi ilə nağd kredit 9.9%-dən

#HESABAT

2022-ci ildə başa çatdırılması nəzərdə tutulan, lakin istifadəyə verilməyən 10 layihəyə 39,7 mln. manat xərclənib.

Milli.Az Trend-ə istinadən xəbər verir ki, bu barədə Hesablama Palatasının sədri Vüqar Gülməmmədov İqtisadi siyasət, sənaye və sahibkarlıq komitəsinin bugünkü iclasında deyib.

"Dövlət əsaslı vəsait qoyuluşu üçün nəzərdə tutulan vəsaitlərin bölgüsünə daxil edilmiş 507 layihədən 332-si keçid, 175-i isə yeni layihələr olubki, bu layihələrin icrasına müvafiq olaraq 2,7 mlrd. manat və 571,9 mln. manat vəsait yönəldilib. 2022-ci ildə başa çatdırılması nəzərdə tutulan, lakin istifadəyə verilməyən 10 layihəyə 39,7 mln. manat xərclənib. Xarici kreditor qurumlarla birgə maliyyələşmə əsasında həyata keçirilən layihələrin icrası üçün nəzərdə tutulan məbləğ 56,1% azaldılmış və 259,7 mln. manat icra edilib", - deyə V.Gülməmmədov bildirib.

Milli.Az