İqtisadiyyat

Avropalı ekspert Azərbaycanın enerji layihələri haqda danışdı

21 Noyabr 2022 10:34

Baxış: 653

VTB-də minimal faiz dərəcəsi ilə nağd kredit 9.9%-dən

#SİYASƏT #İQTİSADİYYAT

Azərbaycan öz enerji balansına bərpa olunan enerji mənbələrinin tətbiq olunması üçün unikal mövqedədir.

Bunu Trend-ə BMT-nin Avropa İqtisadi Komissiyasının (UNECE) Bərpa olunan enerji mənbələri üzrə ekspertlər qrupunun katibi Canluka Sambuçini deyib.

O qeyd edib ki, COVID-19-un və enerji böhranının iqtisadiyyata təsirinə baxmayaraq, ölkənin bərpa olunan enerjinin inkişafı ilə bağlı böyük perspktivləri var.

"Ümumilikdə, Azərbaycanın qarşısında elektrik enerjisi balansında bərpa olunan enerjinin payını 2026-cı ilədək 24 faizə, 2030-cu ilədək 30 faizədək artırmaq hədəfi dayanır. Bu hədəflərin əldə olunması üçün son zamanlarda çoxlu layihələr icra olunub. Məsələn, yeni elektrik stansiyaları, o cümlədən Azərbaycanın ernrji sisteminin transformasiyası vacib əhəmiyyət daşıyan meqalayihələr istifadəyə verilib. Bütün bunlar Azərbaycanda bərpa olunan enerjinin istehlakının artmasına və ölkənin bu növ enerjinin ixracatçısına çevrilməsinə xidmət edir", - C.Sambuçini əlavə edib.

Milli.Az