İqtisadiyyat

Dünyada təyyarə ilə sərnişin daşınması artıb

10 Sentyabr 2022 08:53
Baxış: 1 122
VTB-də minimal faiz dərəcəsi ilə nağd kredit 9.9%-dən
#AVİASİYA

İyul ayında dünya üzrə təyyarə ilə sərnişin daşımaları 2019-cu ilin müvafiq dövrünün dörddə üçü səviyyəsində olub.

Milli.Az APA-ya istinadən xəbər verir ki, bu məlumat Beynəlxalq Hava Nəqliyyatı Assosiasiyası IATA-nın son statistikasında yer alır. Başqa sözlə, təyyarə ilə sərnişindaşımalar Covid-19 pandemiyasından əvvəlkinin 75%-i həddindədir.

Sərnişin sayının artması başlıca olaraq yay turizm mövsümü ilə əlaqədardır. Xırda istisnalar xaricində dünyanın əsas turizm destinasiyaları əcnəbi turistlər üçün açıq olub. Bu da aertoportların tam gücü ilə işləməsini şərtləndirib. Beynəlxalq Hava Nəqliyyatı Assosiasiyasının rəhbəri Villi Valşın fikrincə son aylarda aviadaşımalarda ciddi intensivlik müşahidə olunur. Bəzi ölkələr pandemiyadan əvvəlki göstəriciyə yaxınlaşıb.

Hesabat dövründə daxili uçuşlarda artım daha böyük rəqəmlə ifadə edilib. Dünya üzrə daxili reyslər 2019-cu ilin iyulundakı səviyyənin 81%-nə bərabər olub. Bu da ilk növbədə Çində daxili uşuçlara məhdudiyyətlərin ləğv edilməsi ilə bağlıdır.

Təyyarə şirkətləri yaxın perspektivlə bağlı da optimist düşünür. Payız mövsümü yaxınlaşsa da, əksər ölkələr sərt karantin tətbiqini planlaşdırmır. Bu da son nəticədə əhalinin xaricə səfərlərə marağını artır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.