İqtisadiyyat

“Azərbaycan da Putinə “yox” dedi” - Rusiya mətbuatı

26 Aprel 2022 23:21
6 Şərh     Baxış: 31 798

"Təkcə Avropa İttifaqı deyil, Azərbaycan da Rusiya prezidenti Vladimir Putinin tələblərini yerinə yetirməkdən - qazın pulunu rublla ödəməkdən imtina edib. Rusiyanın belə bir ultimatumu mavi yanacağın dollar və avro ilə ödənilməsini nəzərdə tutan uzunmüddətli müqavilələri pozur".

Milli.Az bizimyol.info-ya istinadın xəbər verir ki, Azərbaycan Putinin tələbinə tabe olmağa və qazın pulunu rublla ödəməyə hazır olduqları haqda yayılmış məlumatları təkzib edib.

"Bazar ertəsi mətbuatda Azərbaycan Respublikasının Rusiyadan idxal etdiyi qazın dəyərini rublla ödəyəcəyi ilə bağlı məlumatlar yayılıb. Bu məlumat reallığı əks etdirmir",- deyə SOCAR-dan bildiriblər.

"Qazprom"un Azərbaycana qaz tədarük etdiyi müqavilə 2023-cü ilə qədər hesablanıb. Rusiyanın heç bir şərtə, o cümlədən mallar üçün ödəməli olduğunuz valyutaya birtərəfli qaydada yenidən baxmaq hüququ yoxdur.

"Təchizat həcmi yay aylarında Azərbaycanda qaz hasilatı və istehlakının səviyyəsindən asılı olacaq", - "İnterfax" yazır.

Xatırladaq ki, Avropa Komissiyası Putinin qazın pulunu rublla ödəmək tələbindən xəbərdardır və bunun sanksiyalar planını pozacağı qənaətinə gəlib. Belə ki, heç bir Avropa İttifaqı ölkəsi mavi yanacağın pulunu Rusiya valyutası ilə ödəməməlidir.

Qeyd edək ki, Ukrayna Avropa İttifaqına Rusiya nefti və qazının pulunu "İran modeli" ilə ödəməyi təklif edib. Təklifə görə, ödənişlər Ukraynaya qarşı müharibə başa çatdıqdan sonra Rusiya Federasiyasının qəbul edə biləcəyi hesablara köçürüləcək.

Hazırda Avropa böyük miqyasda Rusiya qazından asılı vəziyyətdədir. Rusiya bu vəziyyətdən istifadə edərək rublun məzənnəsini sabitləşdirmək istəyir və o üzdən də Avropa idxalçılarından tələb edib ki, onlar Rusiya banklarında hesab açsınlar və qazın pulunu rublla ödəsinlər. Bunun üçün onlar Rusiya banklarına dollar ödəyərək rubl almalıdırlar ki, bu da rubla tələbatı artırmalı, nəticədə rubl bahalaşmalıdır. Amma hələlik Macarıstandan başqa heç bir ölkə buna hazır olduğunu bildirməyib. İqtisadçı ekspertlərin fikrincə, hətta bu addım da rublun məzənnəsini uzun müddət saxlaya bilməz. Çünki nəticə etibarı ilə Rusiya eyni həcmdə dollar əldə edəcək. Hazırda bu qərarın psixoloji təsiri altında rublun məzənnəsi yüksəlsə də, Rusiya banklarında rəsmi məzənnə ilə dollar almaq mümkün deyil. Dolları yalnız qara bazardan və 40 faiz baha qiymətə almaq mümkündür.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

6 Şərh:

  • Anonim
    asi · 27 Aprel 09:1980

    Azərbaycan özü Avropaya qaz satan ölkədi, niyə rusiyadan qaz alır ki??..

    Cavab yaz
    • Anonim
      Yalcın · 27 Aprel 16:0300

      Yayda Azerbaycan Rusiyaya yayda qaz verir.Qisda ise hemin hecminde Rusayadan alir.

      Cavab yaz
  • Anonim
    @ · 27 Aprel 15:5110

    Ərzaq baxımından Rusiyadan asılı ola ola Rusiyaya yox deyirik?

    Cavab yaz
  • Anonim
    Неmail xanim · 27 Aprel 16:4410

    Biz ozumuzde dunyaya qaz satiriq, ruslar qazindan imtina etmek lazimdir

    Cavab yaz
  • Anonim
    Əli · 27 Aprel 22:4600

    Putin hakl

    Cavab yaz
  • Anonim
    Rza · 29 Aprel 08:4900

    Rus erməni mətbuatının qızışdırmasıdır. İki dövlət arasında mübadilə var.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics