İqtisadiyyat

Azərbaycanda staja görə məzuniyyət necə müəyyənləşir?

12 Mart 2012 14:28
1 Şərh     Baxış: 29 942
VTB-də minimal faiz dərəcəsi ilə nağd kredit 10.49%-dən
Milli.Az-ın məlumatına görə, bunu Day.Az saytına Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi rəis müavini Məhərrəm Məhərov bildirib.

"İş ili şəxsin işə qəbul olduğu gündən hesablanır və növbəti ilin həmin günündə başa çatır. Bu il ərzində işçinin 1 əmək məzuniyyəti götürmək hüququ var, - deyə M.Məhərov qeyd edib. - Əsas məzuniyyət ən azı 21 gün olmalıdır. Kənd təsərrüfatı sahəsində çalışanlara, dövlət qulluqçularına, müəssisə rəhbərlərinə, metodistlərə, həkimlərə və s. 30 iş günü məzuniyyət verilir. Tam olmayan iş qrafiki ilə çalışanlar üçün də həmin qədər əmək məzuniyyəti nəzərdə tutulub".

M.Məhərov bildirib ki, stajdan asılı olaraq, əsas məzuniyyətlə yanaşı, işçilərə əlavə məzuniyyət günləri də verilir: "5 ildən 10 ilədək stajı olan şəxslərə - 2, 10-15 il olanlara - 4, 15 ildən artıq stajı olanlara isə 6 əlavə təqvim günü məzuniyyət nəzərdə tutulur".

İşçilərin əmək məzuniyyətindən başqa, sosial məzuniyyət (qadınların uşaqlara baxması üçün), təhsil məzuniyyəti, yaradıcılıq məzuniyyəti və ödənişsiz məzuniyyət götürmək hüquqları da var.

Azərbaycan qanunvericiliyinə əsasən, işçilərin məzuniyyət hüququnu pozan rəhbərləri 1500-2000 manat həcmində cərimə gözləyir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.