Kainatın sonu necə olacaq?

28 May 2025 04:04

Baxış: 850

VTB-də minimal faiz dərəcəsi ilə nağd kredit 10.49%-dən

Kainatımız artıq 13,8 milyard ildir mövcuddur və bu müddət ərzində daima genişlənir, yəni ölçüləri artır. Lakin bu genişlənmə prosesi sonsuz deyil və sonunda fəlakətli bir sona çatacaq.

Milli.Az xəbər verir ki, alimlər uzun illərdir kainatın gələcəkdə necə inkişaf edəcəyini və nə vaxt məhv olacağını müzakirə edirlər. Hazırda kainatın sonu ilə bağlı iki əsas nəzəriyyə mövcuddur.

Böyük Donma nəzəriyyəsinə görə, kainat trilyonlarla il boyunca sürətlə genişlənməyə davam edəcək. Vaxt keçdikcə ulduzlar və qalaktikalar təkamül prosesinin sonuna çataraq yox olmağa başlayacaq. Ulduzlararası qaz çox seyrələcək, nəticədə yeni ulduzlar əmələ gəlməyəcək. Mövcud ulduzlar radiasiya və istilik yaymağı dayandıracaq, hətta qara dəliklərin formalaşması da sona çatacaq. Beləcə, kainat soyuq və qaranlıq bir vəziyyətə düşəcək.

Digər tərəfdən Böyük Böhran nəzəriyyəsi kainatın bir müddət genişlənməsindən sonra daralmağa başlayacağını irəli sürür. Bu daralma prosesində qalaktika qrupları, sonra qalaktikalar, daha sonra isə bütün ulduzlar birləşəcək. Bu zaman kainatdakı temperatur kəskin artacaq və ulduzlar tamamilə buxarlanacaq. Nəticədə kainat əvvəlki sıx vəziyyətinə qayıdacaq.

Hər iki nəzəriyyə kainatın gələcək taleyinə fərqli baxışlar təqdim edir və alimlər bu mövzuda araşdırmalarını davam etdirirlər.

Asya
Milli.Az