İqtisadiyyat

"Qış turizmi üçün ən əlverişli yer Kəlbəcərdir"

22 Yanvar 2022 09:24
Baxış: 993
VTB-də minimal faiz dərəcəsi ilə nağd kredit 9.9%-dən

İşğaldan azad edilmiş ərazilərin qış turizm potensialı genişdir.

Bunu Trend-in suallarını cavablandırarkən Dövlət Turizm Agentliyinin Regional Turizmin inkişafı sektorunun müdiri Elgün Cavadov deyib.

Onun sözlərinə görə, işğaldan azad edilmiş ərazilər təbii irs və mədəni irslə zəngindir.

"Bu səbəbdən həmin bölgələr həm yay, həm də qış turizmi üçün əlverişlidir. Gələcəkdə burada qış turizm növlərinin yaradılması qarşımıza qoyulan əsas məsələlərdən biridir. İşğaldan azad edilmiş ərazilərdə qış turizm potensialını inkişaf elətdirmək üçün öncə araşdırma aparılmalıdır, dağ-xizək turizmi üçün əlverişli yerləri, insanların istirahət edə biləcəyi əraziləri müəyyənləşdirmək lazımdır. İlkin olaraq, deyə bilərəm ki, qış turizmi üçün ən əlverişli yer Kəlbəcər rayonudur. Təbii irs nümunələrinin mövcudluğu burada qış turizm növlərinin yaradılmasını labüd edir. Bundan başqa, Laçında, Şuşada, Hadrutda, Tuğda, Azıx mağarası ətrafında olan ərazilər də qış turizmi üçün insanların diqqətini cəlb edir", -deyə o qeyd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.