Mədəniyyət

Afaq Bəşirqızının “deputat olması”na daha bir reaksiya

3 Dekabr 2019 17:41
5 Şərh     Baxış: 3 766
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xalq artisti Səidə Quliyeva yeni işlərindən və həmkarı Afaq Bəşirqızı ilə bağlı sosial şəbəkələrdəki aksiyadan söhbət açıb.

Milli.Az xəbər verir ki sənətçi axşam.az-ın suallarını cavablandırarkən bunları deyib:

"Sonuncu dəfə "Qış nağılı" filmində çəkilmişəm. Düzdür, epizodda rol almışam. Amma öz səhnələrimə o qədər gülmüşəm ki... Üç gün Qəbələdə qaldıq, çəkilişi orada etdik. Kollektiv işgüzar, mehriban olanda film əla alınır. Bu film də elədir. Müəyyən insanlarda təcrübəsizlik var idi, amma onlar da buradan bəhrələndilər. Mən peşəkar rejissorlarla işləmişəm. Buna əsaslanıb danışıram. AzTV-də "Sabah" studiyasının "Zəng" televiziya filmində baş rola çəkilmişəm. Yeni il ərəfəsində yayımlanacaq. Afaq Bəşirqızı, Cahangir Novruzov, Fərhad İsrafilov, Məbud Məmmədov da orada rol alıb. Çox maraqlıdır".

O A.Bəşirqızının deputat olması ilə bağlı aksiyanın lehinə olduğunu söyləyib:

"Eşitdim ki, Afaq Bəşirqızının deputatlığa namizəd olması ilə bağlı sosial şəbəkədə təkliflər səsləndirirlər. Niyə də yox? Bu, çox gözəldir. Bizim sözümüzü, istəklərimizi Milli Məclisdə bəyan edər. Çox maraqlı olardı, onu dəstəkləyirəm".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.