Mədəniyyət

Beynəlxalq Muğam Mərkəzində klassik cazın sevilən siması Ceymi Devis çıxış edəcək

19 Noyabr 2019 20:10
Baxış: 248

23 noyabr saat 20:00-da Beynəlxalq Muğam Mərkəzində klassik cazın sevilən simalarından biri Ceymi Devis ilk dəfə olaraq Bakıda konsert proqramı ilə çıxış edəcək. Dərin, güclü, məxməri bariton səsə sahib olan ifaçını bəzən şokoladlı səs kimi də təqdim edirlər.

Bakıdakı konsertində tamaşaçılara unudulmaz caz gecəsi təqdim edəcək sənətçinin proqramı caz üslublarının qarışından ibarət olacaq. O, bir üslubdan digərinə asanlıqla keçid edərək populyar kompozisiyalardan klassik ariyalara qədər ifa edir. Bu ifaların hər birinə isə öz müəllif yanaşmaları və şəxsi aranjirovkalarının sayəsində qəlblərə yol tapır.

Qeyd edək ki, Beynəlxalq Muğam Mərkəzi çoxsaylı musiqi layihələri həyata keçirir. Bu sıradan muğam-caz, etno-caz layihələri də tamaşaçı rəğbəti qazanaraq diqqət çəkir. Həmçinin Bakıda hər il ənənəvi olaraq keçirilən Bakı Beynəlxalq Caz Festivalı da məhz Muğam Mərkəzin səhnəsindən tamaşaçılarla görüşə gəlir.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.