Mədəniyyət

Bakıda göstəriləcək film iki ölkədə qadağan olundu

28 Dekabr 2014 17:58
3 Şərh     Baxış: 2 062
VTB-də minimal faiz dərəcəsi ilə nağd kredit 10.49%-dən
#MƏDƏNİYYƏT #KİNO
Aktyor Kristian Beylin baş rolda olduğu yeni film "Exodus: Gods and kings" (Çıxış: Allahlar və krallar) Misir kinoteatrlarında qadağan edilib.

Axşam.az-ın məlumatına görə, senzura komitəsinə görə, filmdə faktiki səhvlər və tarixi uyğunsuzluq var. Belə ki, filmdə piramidaların yəhudilər tərəfindən tikildiyi göstərilir. Digər səbəb isə dinə görə, Musa Peyğəmbərin möcüzə göstərmək üçün ikiyə böldüyü Qırmızı dəniz, filmdə zəlzələ nəticəsində iki yerə ayrılır.

Misirin mədəniyyət naziri bildirib ki, film "tarixə sionistlərin baxışı"dır:

"Bu film faktları dəyişdirərək göstərən bir sionist filmidir, tarixin yəhudilər tərəfindən necə göründüyünü təqdim edir, içində tarixi səhvlər çox olduğu üçün biz onun nümayişinə qadağa qoyduq".

Mərakeşdə də filmin kinoteatrlarda nümayişi qadağan olunub.

Film ABŞ-da dekabrın 12-də nümayişə girərək 20 milyon dollardan çox kassa gəliri əldə edib. "Exodus: Gods and kings"in rejissoru Ridli Skot, ssenaristi isə Adam Kuper, Bill Kollac və Cefri Keyndir.

Qeyd edək ki, Azərbaycan kinoteatrlarında isə film yanvarın 1-dən nümayiş olunmağa başlayacaq.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.