Mədəniyyət

Sergey Raxmaninovun yaradıcılığına həsr olunmuş musiqi gecəsi keçirilib - FOTO

21 Aprel 2026 15:21

Baxış: 279

VTB-də minimal faiz dərəcəsi ilə nağd kredit 9.9%-dən

Beynəlxalq Muğam Mərkəzidə XX əsr dünya musiqisinin görkəmli bəstəkarlarından biri olan Sergey Raxmaninovun yaradıcılığına həsr olunmuş musiqi gecəsi keçirilib.

Konsertdə beynəlxalq müsabiqələr laureatları - vokal ifaçısı Kənan Rəhmanzadə və fortepiano ifaçısı Əli Hüseynli çıxış ediblər. Gecədə bəstəkarın vokal və fortepiano repertuarından seçilmiş əsərlər səsləndirilib.

Kosnertdə çıxış edən sənətşünaslıq üzrə fəlsəfə doktoru Alyona İnyakina bəstəkarın həyat və yaradıcılığından söz açıb. Bildirib ki, Raxmaninovun musiqisi dərin lirizmi, geniş melodik nəfəsi və zəngin harmoniyası ilə seçilir. Onun əsərləri dinləyicini romantik duyğular və incə emosiyalarla dolu musiqi dünyasına aparır. Konsert Raxmaninov yaradıcılığının incə və təsirli atmosferini dinləyicilərə daha yaxından hiss etdirmək üçün xüsusi bir imkan yaradıb.

Qeyd edək ki, S.Raxmaninovun yaradıcılıq qalereyasında 80-dən çox romans, konsert, simfoniya, prelüd, etüd, opera yer alıb. Xüsusilə müəllifin romansları ona böyük şöhrət qazandırıb. "Burada yaxşıdır", "Yanımda oxuma, gözəl", "Bahar suları", "Yuxu" və digər romansları dünya vokal musiqi xəzinəsinə daxil edilib.

İnformasiya dəstəyi - Trend.Az, Day.Az, Milli.Az