Mədəniyyət

Dövlət Xalq Çalğı Alətləri Orkestrinin “Sevimli filmlər” adlı konsert proqramı baş tutdu - FOTO

20 Aprel 2026 15:24

Baxış: 349

VTB-də minimal faiz dərəcəsi ilə nağd kredit 9.9%-dən

16 aprel tarixində Azərbaycan Dövlət Xalq Çalğı Alətləri Orkestrinin "Sevimli filmlər" adlı konsert proqramı baş tutdu. Gecəyə dirijor əməkdar artist İlahə Hüseynova rəhbərlik etdi.

Konsertdə dünya və Azərbaycan kinosunun sevilən filmlərindən musiqi nümunələri (proqramda səslənən əsərlər dirijor tərəfindən orkestr üçün işlənmişdir) təqdim olundu. Proqramda H.Mancini, K.Badelt , E.Sabitoğlu, F.Əmirov, T.Quliyev, J.Horner kimi bəstəkarların məşhur kino və cizgi filmlərinə yazdıqları əsərlər milli çalğı alətlərinin özünəməxsus ifa üslubunda dinləyicilərə təqdim olundu.

Konsertdə solistlər - Xalq artistləri Gülyaz Məmmədova, Gülyanaq Məmmədova, Əməkdar artistlər Almaz Orucova, Nigar Şabanova, Aygün Mübariz və Fəxri Kazım-Nicat, Fikrət Məmmədov, Sevda Yəhyayeva, Lalə İbrahimova, Ramazan Şərifzadə çıxış etdilər.

Rəngarəng repertuarı və uğurlu ifaları ilə yadda qalan konsert dinləyicilər tərəfindən böyük alqışlarla qarşılandı.

İnformasiya dəstəyi - Trend.Az, Day.Az, Milli.Az