Mədəniyyət

Üzeyir Hacıbəylinin anadan olmasının 140 illiyi münasibətilə poçt markası dövriyyəyə buraxılıb - FOTO

15 Yanvar 2026 20:25

Baxış: 642

VTB-də minimal faiz dərəcəsi ilə nağd kredit 10.49%-dən

Dahi Azərbaycan bəstəkarı Üzeyir Hacıbəylinin anadan olmasının 140 illiyi münasibətilə poçt markası dövriyyəyə buraxılıb. Poçt markası Azərbaycan Respublikası Mədəniyyət Nazirliyi və "Azərpoçt" MMC -nin birgə təşəbbüsü ilə ərsəyə gəlib.

Beynəlxalq Muğam Mərkəzində baş tutan təqdimat mərasimində mədəniyyət nazirinin müşaviri Cahangir Səlimxanov, "Azərpoçt" MMC-nin İdarə heyətinin sədri vəzifəsini m.i.e. İsi Mustafayev və Üzeyir Hacıbəylinin ev muzeyinin direktoru, Xalq artisti, professor Sərdar Fərəcov çıxış edərək bildiriblər ki, Azərbaycanın musiqi mədəniyyətinin simvolu, peşəkar milli musiqi məktəbinin banisi, himnimizin müəllifi olan Üzeyir Hacıbəylinin 140 illik yubiley markasını yalnız filatelik məhsul deyil, milli yaddaşın və mədəni irsin vizual daşıyıcısı kimi təqdim etmək olar.

Bu təqdimat dahi bəstəkarın xatirəsinin yaşamasının və gələcək nəsillərə ötürülməsində üzərimizə düşən məhsuliyyəti, bizə bir daha xatırladır. Üzeyir bəyin xatirəsinə buraxılan marka, onun irsinin daşıyıcısına çevirilərək, kiçik mədəni elçi kimi dünyanı səyahət edəcək və gələcək nəsillərə onun kim olduğunu bir daha xatırladacaq.

Qeyd edək ki, 33400 tirajla dövriyyəyə buraxılan poçt markasının dizayneri Aydın Əsgərovdur.

Təqdimat mərasimi Beynəlxalq Muğam Mərkəzi Cahangir Cahangirov adına Xorun ifasında Üzeyir bəyin əsərlərindən ibarət konsert proqramı ilə yekunlaşıb.

İnformasiya dəstəyi - Trend.Az, Day.Az, Milli.Az